ദുരിതമഴ : വൈദ്യുതി ബന്ധം പുന:സ്ഥാപിച്ചു

ചെന്ത്രാപ്പിന്നി ഈസ്റ്റിൽ വൈദ്യുതി ബന്ധം ഭാഗികമായി പുന:സ്ഥാപിച്ചു. ഇന്ന് പൊതുവെ തെളിഞ്ഞ കാലാവസ്ഥയായിരുന്നതിനാൽ വെള്ളക്കെട്ട് കാര്യമായി കുറഞ്ഞിട്ടുണ്ട്.

കോഴിത്തുമ്പ് മേഖലയിലെ വെള്ളക്കെട്ട് കുറയുന്നു. ഇന്ന് രാവിലെയുള്ള തെളിഞ്ഞ കാലാവസ്ഥ തുടർന്നാൽ വെള്ളക്കെട്ടിന് കാര്യമായ കുറവുണ്ടാകുമെന്നാണ് പ്രതീക്ഷ.

വെള്ളക്കെട്ട് നിലനിൽക്കുന്നതിനാൽ ചെന്ത്രാപ്പിന്നി ഈസ്റ്റിൽ ഇതുവരെ വൈദ്യുതി ബന്ധം പുന:സ്ഥാപിച്ചിട്ടില്ല. ഇന്നലെ രാത്രി പുന:സ്ഥാപിക്കുമെന്ന് അറിയിപ്പ് ഉണ്ടായിരുന്നെങ്കിലും ആളുകൾ വെള്ളത്തിലിറങ്ങാനുള്ള സാധ്യത മുൻ നിറുത്തി ഇതുവരെ വൈദ്യുതി കണക്ഷൻ നൽകിയിട്ടില്ല. 

ഇന്ന് മുതൽ മൂന്നു ദിവസത്തേക്ക് മഴ ശക്തമായേക്കുമെന്ന മുന്നറിയിപ്പുള്ളതിനാൽ ചെന്ത്രാപ്പിന്നി ഈസ്റ്റിലെ മുഴുവൻ ആളുകളും സുരക്ഷിത കേന്ദ്രങ്ങളിലേക്ക് മാറുന്നു. 

ഇന്നലെ മഴക്ക് കുറവുണ്ടായെങ്കിലും ചെന്ത്രാപ്പിന്നി ഈസ്റ്റിൽ കാര്യമായി വെള്ളം കുറഞ്ഞിട്ടില്ല. മധുരംപുള്ളി, കോഴിത്തുമ്പ് പ്രദേശങ്ങളിൽ ഇപ്പോഴും കാര്യമായ വെള്ളക്കെട്ട് അനുഭവപ്പെടുന്നുണ്ട്.

ചെന്ത്രാപ്പിന്നി ഹൈസ്കൂളിലും ദുരിതാശ്വാസ ക്യാമ്പ് പ്രവർത്തനമാരംഭിച്ചു. എടത്തിരുത്തി പഞ്ചായത്തിൽ ഇതുവരെ ആകെ ആറു ദുരിതാശ്വാസ ക്യാമ്പുകൾ തുറന്നിട്ടുണ്ട്.

ഇന്ന് രാവിലെ മുതൽ അൽപ്പം വെയിൽ കാണുന്നതിനാൽ വെള്ളം ഇറങ്ങിക്കൊണ്ടിരിക്കുന്നു.